ფუსფუსი, სამზადისი, ოდნავი მღელვარება და საათის ისრების წარა-მარა კონტროლი. დათქმულ დროს, დათქმულ ადგილზედ ის ფესტივალი უნდა დაიწყოს — ბათუმის ქუჩებს რომ სულ სხვანაირად აამეტყველებ. რამოდენიმე წუთიც და ქალაქი რიგით მეორე, აწ უფრო მაშტაბურ ქუჩის მხატვრობის ფესტივალს უმასპინძლებს. თუმცა მანამ ოფიციალური გახსნაა. დრო ჩქარა გარბის სტუმრები გალერეა CAC 41N/ 41E -ის ჰოლში იკრიბებიან. ყველას აინტერესებს — რა იქნება ახალი?!. ახალი და საინტერესო კი მართლაც რომ ბევრი რამ იქნება. თუმცა ყველაფერს თადარიგი სჭირდება. ჯერ გახსნა, სტუმრების მიღება და მოწვეული არტისტების მიერ შექმნილი ნამუშევრების წარსდგენა. ნამუშევრები კი მართლაც ღირს იმად რომ ეწვიოთ გალერეას. ცოტაც და… დაიწყო
ფესტივალის ფარგლებში წელს ბათუმის სხვადასხვა უბანში 10 კედელი მოიხატება. ბათუმელებსა და ქალაქის სტუმრებს ერთი კვირის განმავლობაში შესაძლებლობა ექნებათ თვალყური ადევნონ შემოქმედებით პროცესს. ჩვენ კი შევეცდებით ფესტივალის მსვლელობის ამსახველი ფოტო და ვიდეომასალა დროულად მოგაწოდოთ და გაგაცნოთ ამ ბლოგის მეშვეობით. ფესტივალში სულ 24 არტისტი მონაწილეობს. 18 საფრანგეთიდან და 6 საქართველოდან. ფესტივალის ორგანიზატორია არტ სტუდია DOTCOMMA. სტრიტ არტ ფესტივალი ბათუმში პირველად გასულ წელს გაიმართა. ფესტივალის 2013 წლის ნამუშევრები ბათუმში ანბანის კოშკის მიმდებარედაა განთავსებული. ნამუშევრების ნახვა ასევე შესაძლებელია CAC 41N/41E — ში. ბათუმის სტრიტ არტ ფესტივალი 2014 აჭარის განათლების, კულტურისა და სპორტის სამინისტროს და ქალაქ ბათუმის მერიის მხარდაჭერით ტარდება. ამ შემთხვევაში ბათუმი ნოვატორი თუ არა ექსპერიმენტატორი მაინც გამოდის, იშვიათია შემთხვევა როცა ქალაქის ქუჩების მოხატვაზე მთავრობა «ზრუნავს»
გალერაში გამოფენილი ნამუშევრები შეგიძლია იხილოთ აი ამ ლინკზე. ან მობრძანდეთ ჩვენთან. გალერა CAC 41N/ 41E — ში.
როგორც ვთქვით ყველაფერს თავისი თადარიგი აქვს და როგორც ყველაფერ კარგსა და საინტერესოს ასევე საინტერესო და სასიანოვნო დასასრული უნდა ქონდეს. გამოფენა შედგა, ფესტივალი დაიწყო, დღე პირველი დასრულდა.
Ra sakaifo wamowyebaa. Tqnac Batumi rocks!